ដំណើរទស្សនកិច្ចសិក្សារបស់សិស្សវិទ្យាល័យនៅ មន្ទីរពេទ្យជប៉ុនសាន់រ៉ាយស៍ភ្នំពេញ (16th December 2024)
January 16, 2025
តម្រង់ទិសដៅអនាគត៖ សិស្សវិទ្យាល័យបានចុះកម្មសិក្សាដើម្បីយល់ដឹងពីអាជីពរបស់គិលានុបដ្ឋាយិកា ដោយខ្ញុំ
123 Find the Right Nursing Job សហការជាមួយមន្ទីរពេទ្យជប៉ុនសាន់រ៉ាយស៍ភ្នំពេញ។ មន្ទីរពេទ្យជប៉ុនសាន់រ៉ាយស៍ភ្នំពេញបានផ្តល់ឱកាសដល់សិស្សវិទ្យាល័យក្នុងចុះកម្មសិក្សានៅមន្ទីរពេទ្យ។
យើងខ្ញុំ 123 Find the Right Nursing Job បានដឹកនាំសិស្សវិទ្យាល័យចុះកម្មសិក្សានៅមន្ទីពេទ្យនិងគ្លីនិកសរុបចំនួនបីលើកហើយនៅក្នុងឆ្នាំ ២០២៤ នេះ។
គំនិតផ្តួចផ្តើមទាំងនេះមានគោលបំណងផ្តល់ជូនសិស្សវិទ្យាល័យនូវបទពិសោធន៍សិក្សាស្វែងយល់ពីអាជីពរបស់
គិលានុបដ្ឋាយិកាយ៉ាងស៊ីជម្រៅ និងជួយក្នុងការស្វែងរកសក្តានុពលរបស់ពួកគេ។
ក្នុងដំណើរទស្សនកិច្ចសិក្សានេះ សិស្សានុសិស្សបានចូលរួមក្នុងវគ្គ សំណួរចម្លើយជាមួយអ្នកជំនាញដែលមានបទពិសោធន៍ ដោយទទួលបានការយល់ដឹងយ៉ាងច្រើនអំពីតួនាទីការងារ និងជំនាញផ្សេងៗរបស់គិលានុបដ្ឋាយិកា។
ពួកគេក៏បានចូលរួមក្នុងសកម្មភាពរួមមានការធ្វើការនៅក្នុងបរិយាកាសវេជ្ជសាស្រ្ត និងការិយាល័យ សិក្សាអំពីលំហូរការងារប្រចាំថ្ងៃ ការងារជាក្រុមជាក់ស្តែង និងសារៈសំខាន់នៃការសហការ ដែលជាជំនាញដែលលើសពីការសិក្សាក្នុងថ្នាក់រៀន។
កម្មសិក្សានេះដើរតួនាទីយ៉ាងសំខាន់ក្នុងការជួយសិស្សឱ្យកំណត់គោលដៅអនាគតច្បាស់លាស់ និងពង្រីកការយល់ដឹងរបស់ពួកគេ។ តាមរយៈការផ្តល់ឱកាសឱ្យពួកគេយល់ដឹងនូវការធ្វើការងារជាក់ស្តែង យើងមានគោលបំណងបំផុសគំនិតមនុស្សជំនាន់ក្រោយឱ្យបន្តក្តីសុបិនរបស់ពួកគេដោយភាពជឿជាក់ និងការតាំងចិត្តខ្ពស់។
យើងខ្ញុំ 123 ស្វែងរកការងារសម្រាប់គិលានុបដ្ឋាយិកា ពិតជាមានមោទនភាពណាស់ក្នុងការគាំទ្រក្មេងៗជំនាន់ក្រោយក្នុងដំណើរស្វែងយល់ពីខ្លួនឯង និងការស្វែងរកអាជីពដែលខ្លួនស្រលាញ់។
យើងខ្ញុំនៅតែប្តេជ្ញាបង្កើតឱកាសបែបនេះបន្ថែមទៀត ដើម្បីផ្តល់ឱកាសដល់យុវជនជំនាន់ក្រោយបានចូលរួមចំណែកជួយដល់ប្រទេសជាតិរបស់ខ្លួន។